Sigrid de Lemos (1883–1942)

Frå Esnoga.no
Versjonen frå 22. februar 2022 kl. 00:42 av Olve Utne (diskusjon | bidrag)
(skil) ← Eldre versjon | Siste versjonen (skil) | Nyare versjon → (skil)
Sigrid de Lemos.
Foto:okjent, frå Våre falne.

Sigrid de Lemos (f. 8. mars 1883 i Kristiania; d. 1942 i Auschwitz) var språklærar i Oslo. Ho vart fødd 8. mars 1883 i Kristiania som det andre av tre born av Rosalie de Lemos, f. Nathan (f. 1855 i Rendsburg; d. 1930 i Oslo) og Adolph de Lemos (f. 1848 i Hamburg; d. 1900 i Kristiania).

Oppveksten

I 1888, da Sigrid var i femårsalderen, flytta familien til Hamburg, der dei vart buande i ti år. I 1898, da Sigrid var i 15-årsalderen, flytta familien til Kristiania att.

Folketeljinga 1900

I folketeljinga 1900 er Sigrid, som er 17 år da, registrert som busett med bestemora Emilie Nathan (f. 1833) i Drammensvn. 64 i Kristiania. Emilie er oppført som enkje med formue som inntektskjelde. I tillegg bur Thora Tellefsen (f. 1857 i Telemark) der som ug[ift] tj[enestepige].[1] Litlebroren Frithjof på ni år bur med foreldra i Kronprinsens Gade 9.[2] Faren døydde seinare det året.

Folketeljinga 1910

I folketeljinga 1910 står ho og broren Fridthjof de Lemos oppført som fråverande frå bustaden til mora i Kronprinsensgate 9 i Kristiania. Dei står oppført som med ombytta yrke, nemleg apothekerlærling og selskabsdame. Om vi går ut frå at truleg opphaldsstad derimot var korrekt, så var Sigrid selskapsdame i Hamburg, og Frithjof var apotekarlærling på Rena.[3]

Utdaning og arbeid

Ho tok handelsskulen, og etter det studerte ho språk i utlandet. Da ho kom tilbake til Oslo etter studia, arbeidde ho som språklærarinne i Oslo.

Deportasjon

Den 26. november 1942 vart ho arrestert fordi ho var jøde. Ho vart sendt til Rådhuskaia der ho og 528 andre norske jødar vart deportert med fangeskipet DS «Donau» til Stettin; derifrå gikk transporten vidare med tog til Auschwitz, der ho truleg vart drepen ved ankomst.

Bildegalleri

  • Familiebilde av Nathan-slekta frå 1897. Sigrid er nummer tre frå venstre i attaste rad. Til venstre for henne står foreldra hennar. Morfaren, Nathan Nachmann Nathan, sitt rett til venstre for henne. Rett til høgre for henne sitt mormora, Emilie f. Zadig.

  • Gravsteinen til faren på Sofienberg gravlund i Oslo.
    Olve Utne (2009)
  • Gravsteinen til mora på Sofienberg gravlund i Oslo.
    Olve Utne (2009)

Fotnotar

  1. ↑ Sigrid de Lemos i folketeljing 1900 for Kristiania kjøpstad frå Digitalarkivet
  2. ↑ Frithjof de Lemos i folketeljing 1900 for Kristiania kjøpstad frå Digitalarkivet
  3. ↑ Sigrid de Lemos i folketeljinga 1910 for Kristiania kjøpstad frå Digitalarkivet

Kjelder

Henta frå «https://esnoga.no/w/index.php?title=Sigrid_de_Lemos_(1883–1942)&oldid=11658»