Kva er ein tallét
Frå Esnoga.no
.jpg)
Ein tallét er eit jødisk bønesjal. Talléten er firkanta og har ein spesiell dusk som blir kalla ṣiṣít i kvart av dei fire hjørna sine. Talléten blir bruka under bøna om morgonen, og somme gonger om ettermiddagen òg. Berre på éin einaste kveld i heile året er det vanleg alle stader at talléten blir bruka, nemleg på kippúr.
I ortodoks jødedom blir talléten oftast bruka berre av menn i nyare tid. Tidlegare i historia har ein del kvinner bruka tallét òg, og særleg i ikkje-ortodoks jødedom har det vorte stadig vanlegare att i våre dagar at kvinner brukar tallét.
