Yitzhak Navon

Yitzhak Navon.

Foto:Wierzba

Yitzhak Navon (יצחק נבון, f. 9. april 1921 i Jerusjalaim, d. 6. november 2015 i Jerusjaláim) var ein israelsk politikar, diplomat og forfattar. Han var Israels 5. president i åra 1978–1982 som medlem av sentrums/venstre-partiet Hammaˤarakh. Han var den første israelske presidenten som var fødd i Jerusalem, der familien på farssida hans har budd sidan 1600-talet.

Yitzhak (t.v.) og broren Victor i Jerusalem i 1929.

Foto: ukjent

I 2005 vart han kåra som den 108. beste israelaren nokon gong i ei meiningsmåling utført av den israelske nyheitsnettstaden Ynet.

Liv

Yitzhak Navon vart fødd i Jerusalem i ein sefardisk rabbinar-familie. På farssida er han etterkommar etter spanske jødar som busette seg i Det osmanske riket etter bortvisinga av jødane frå Kastilja i 1492. Familien (Barukh Mizraḥi-familien eller Al Mashraki) flytta frå det novarande Tyrkia til Jerusalem i 1621. På morssida er han etterkommar av den kjente kabbalisten Haim Ben Attar. Ben-Atar-familien kom frå Marokko til Jerusalem i 1884.

Navon studerte hebraisk litteratur og islamstudiar ved Det hebraiske universitetet i Jerusalem. Etter å ha tjent i Haganah i Jerusalem vart han sendt av Den israelske utanrikstjenesta til Uruguay og Argentina. Kona hans, Ofira Resnikov, som var femten år yngre enn han, dødde av leukemi i 1993. Dei hadde to born.

Politikk

I 1951 vart Navon statssekretær för Israels første statsminister, David Ben-Gurion. Året etter vart han utnemnt til byråsjef under Ben-Gurion. Han fortsette som byråsjef under statsminister Moshe Sharett.

I 1963 vart han ein av avdelingsledarane ved Utdanings- og kulturdepartementet. To år etter vart Navon innvelt i Knesset som medlem av Ben-Gurion sitt parti Rafi, som vart ihopslege med ˤAvodah (ein del av Hammaˤarakh) i 1968. Navon tjente som visepresident för Knesset og formann för Knessets utanriks- og forsvarskomité.

Författarskap

Navon skreib to musikalar som vart oppført på Habimah (Det israelske nasjonalteateret) i Tel-Aviv. Han skreiv òg Dei seks dagane og dei sju portane (1979), ei legende om attföreininga av Jerusalem.