Synagogen i Arkitekt Christies gate i Trondheim
| DMT Trondheim | ||
 | ||
|
Arkitekt Christies gt. 1B, Trondheim | ||
| Generelt | ||
| Gruppe: | asjkenazisk | |
| Bygd: | 1864 (som jarnbanestasjon) | |
| Innvigd: | 13. oktober 1925 | |
| Endringar: | 1947 - reparasjon etter krigen 2000 - renovering | |
| Opphørt: | - | |
| Arkitektur | ||
| Teknikk: | mura i teglstein | |
| Materiale: | teglstein, tre | |
| Esnogarommet | ||
Den noverande synagogen i Trondheim ligg i Arkitekt Christies gate 1B i Trondheim. Bygninga vart opprinneleg bygd som jarnbanestasjon i 1864, men vart seinare kjøpt av Frelsesarméen. Det Mosaiske Trossamfund kjøpte så bygninga i 1924, og etter omfattande ombyggingsarbeid vart den nye synagogen innvigd tisdagkvelden den 13. oktober 1925.
Under andre verdskrigen vart synagogen konfiskert av nazistane (1941), og dei gjorde mykje skade på interiøret. Etter omfattande reparasjon vart synagogen attinnvigd hausten 1947.
I 1997 vart det jødiske museet opna i eit rom i synagogebygninga. Restitusjonsfondet gjorde det mulig å utbetre bygninga, og frå sommaren 2000 vart det gjort omfattande restaurering og ominnreiding av 1. etasje. Synagogen vart attopna i 2001 — no blant anna med bibliotek, multimediasenter og eit kraftig opprusta jødisk museum.
Interiør: mørkegrøne benker, og elles lyse pastellfargar. Bimen (tebáen) er plassert litt framom midten i typisk asjkenazisk ortodoks stil, og dei fleste benkeradene snur mot or’n keides (Hekhál, toráskåpet). Det finst eit galleri som tradisjonelt blir bruka som kvinnegalleri, men praksis i dag varierer noko.
Sjå òg
Kjeldor
- http://www.dmt.trondheim.no
- http://www.jodiskemuseum.no
- Brosjyre fra DMT Trondheim
- Protokoll for DMT Trondheim, 1917–1933
