Lag laʕómer

Lag laʕómer (hebr. ל”ג לָעֹֽמֶר) (asjkenazím seier oftast lag b‘ómer) er den 33. dagen i ʕómerteljinga. Lag laʕómer fell på den 18. iyyár. Ordet «lag» kjem av den hebraiske notasjonen av talet 33 (Lamed-Gimel). På denne dagen er både sefardím og asjkenazím einige om at ein ikkje treng å sørgje, og det er vanleg å halde bryllaup. Opphavet til lag laʕómer er usikkert — somme set det i samband med mystikaren ribbí Sjimʕón bar Yoḥái, som etter legenda døydde på 18. iyyár (lag laʕómer), og som skal ha bede studentane sine om å feire naḥaláen hans (årsdag for dødsdagen hans, asjk.: jórtsait) med glede i staden for å sørgje. Andre set lag laʕómer i samband med pesten som herja blant studentane til ribbí ʕAkibá, og som seiest å ha stoppa denne dagen.