Kva er ein torárull
Frå Esnoga.no
Ein torarull eller ein sefer er ein rull av pergament (preparert dyreskinn med ekstra fin overflate) som inneheld heile Toraen (Mosebøkene). Torarullen er skriven på språket hebraisk og med det hebraiske alfabetet. Kvar einaste bokstav er handskriven av ein sofer — det vil seie ein som er ekspert på handskriving av visse typar dokument på hebraisk.
Når torarullen ikkje blir lesen frå, er han heilt samanrulla. Somme bruker å ha rullen i ein sylinder av tre eller metall som blir kalla ein tik. Andre bruker å kle han i ei spesiell kappe som blir kalla mengil eller vestido. Enkelte gjer begge deler. Torarullane blir oppbevart i Hekhal (arka, toraskåpet) når dei ikkje er i bruk.
