Esnoga.no:Sjomerím

Sjomerím eller samaritanarar er eit israelittisk folk som er nært i slekt med jødane. Dei praktiserer samaritansk religion og held Toráen i den samaritanske utgåva for å vera den heilage skrifta. Samaritanarane hevdar sjølv at dei stammar frå sjebet Efrájim (Efrájims stamme) og sjebet Menasjé (Menasjés stamme). Det finst i dag under 1 000 samaritanarar att, fordelt på to hovudbusettingar — Ḥolón ved Tel-Aviv i Israel og Sjekhém (Nāblūs) ved Har Gerizím på Dei palestinske sjølvstyresmaktene sitt område i Judea. Samaritansk religion er ein israelittisk religion, nært i slekt med jødedommen. Samaritansk religion godtek ikkje den jødiske Tenákh, og berre den samaritanske utgåva av sjølve Toráen blir sett som kanonisk. Sentralt i samaritansk religion står fjellet Gerizím, der blant anna påskeofferet enda finn stad kvar pesaḥ.

---

Artiklar

Med samaritansk musikk meiner vi her den musikken som hører til den samaritanske religionsutøvinga og som blir framført av menn. I musikk av meir verdsleg karakter skil ikkje samaritanarane sin musikk seg vesentleg frå den verdslege musikken i dei andre kulturane i området. Akkurat som tilfellet tradisjonelt er blant dei yemenittiske jødane, så tek kvinnene slett ikkje del i den religiøse musikken, og kvinnene sin musikk ligg dermed mykje nærmare opp til musikken til nabofolka. Instrumentalmusikk finst ikkje i den samaritanske religiøse tradisjonen — ikkje ein gong sjofár שׁוֹפָר [šōfār], bukkehorn) blir bruka.   Les meir …

---

Populære sider

1. Sjomerím (vist g.)
2. Olve Utne: «Samaritansk musikk» (vist g.)