Borekas

Borekas.

Foto:Olve Utne

Ḥanukká

Historie: Makkabearane Makkabæingkampen (O.J. Høyem) Ḥanná & sønene Jehudít & Holofernes Megillàt Antiyyokhós Ordet ḥanukká Lystenning ḥanukkiyya Songar: Hannerót hallálu Ḥag hammakkabbím · Hazeremos una merenda · Mi ze yemallél · Ocho candelicas · Maʕóz ṣur Klassisk musikk: Händel: Judas Maccabæus Mat: S: bimuelos · borekas · keftes de prasa · Portugiesische Kuchen (jødekaker) · semulepudding · vaflar

Borekas, òg skrive borecas, burekas, bourekas og burecas liknar på börek på tyrkisk; sistnemnte finst på menyen i mange tyrkisk-drìvne gatekjøken i Norge under namnet børek.

I sin typiske tyrkiske versjon er börek ein innbakt butterdeigspai med fyll av fetaost og grønsaker — gjerne gulrøter og spinat. Sefardím i Det osmanske riket slo ihop den tyrkiske böreken og sine iberiske pastelas (òg kalla empanadas, pastillas, pastidas, pastichi) til den karakteristiske osmansk-sefardiske matretten borekas.

Borekas med ost- og grønsaksfyll er populær mat for desayuno (seinfrukost) etter sjaḥarít (morgongudstjenesta) på sjabbát. På sjabuʕót er osteborekas svært populære til mjølkemåltid blant osmanske sefardím.

Framgangsmåte

• Ein lagar ein porsjon butterdeig og deler opp i kuler som er kring 2–3 cm i diameter.
• Kjevl ut kulene til runde leivar som er ca 7–8 cm i diameter.
• Legg på ei toppa matskei (ss) med fyll av egg og potetar og eventuelt òg spinat og løk.
• Fold ihop leivane over fyllet så kvar boreka har halvmåneform. Press ihop kantane med ein gaffel.
• Legg borekaene på eit smurt bakebrett (evt. bakepapir) og pensle dei med eit lettpiska egg.
• Steik i omnen ved ca 185 °C i ein halvtimes tid.
• Servér varme eller kalde.

Bildegalleri

• 

  Gomo de spinaka i kezo

• 

  Borekas smurt med egg føre steiking.

• 

  Strødd med sesamfrø.

• 

  Ferdigsteikte borekas med spinat og feta.

• 

  Ferdigsteikte borekas med potet og feta.