Aroz amariyo

Nykoka gul ris.

Olve Utne (2023)

Aroz amariyo (djudeospanyol), arroz amarillo (kastiljansk) eller gul ris er ein tradisjonell matrett, blant sefardím og i generell matkultur frå Sentral-Asia og Indonesia via Middelhavet til Latin-Amerika og Sør-Afrika. For å gjera risen gul blir det vanlegvis brukt enten safran, gurkemeie eller annatto.

Oppskrifter

Basisoppskrift

Ingrediensar	Framgangsmåte
5 dl kvit basmatiris ¾ ts gurkemeie ½ ts kardemomme ¼ ts spisskummen ⅛ ts pepar 1 liten løk litt olivenolje 7,5 dl vatn el. kraft	Finhakk løken. Bland ris og krydder. Steik løken i litt olje i 5-10 min. Tilset risen og lat han steike i eit par minutt. Tøm så vatnet eller krafta over; kok opp, og lat risen trekke på svak varme til han er ferdig. Luft risen godt med ein gaffel før du tar han av varmen.

Fru Curriels gule ris

I den dansk-jødiske kokeboka Fru Curriels kogebog (1916) finn vi denne dansk-jødiske versjonen av sefar­disk gul ris, som rettnok ikkje inneheld safran eller gurkemeie om det da ikkje vart avgløymt av forfattaren.

Ingrediensar	Framgangsmåte
125 g kikerter 500 g ris 7,5 dl vatn 2,5 dl gåsesjy	Legg i bløyt kikerter med litt natron kvelden før. Kok så dei utvatna kikertene med litt salt i vatnet til dei er møre. Skold risen i kokande vatn; når det kokar att, tilset kasjér gåsesjy (eller annan kjøttsjy) og trekk på svak varme i éin time. Hell kikertene over risen ved servering.