Ḥol hammongéd
Frå Esnoga.no
Ḥol hammongéd (hebr. חוֹל הַמּוֹעֵד), eller (los) medianos på kastiljansk, er romhelga mellom dei viktigare, fulle helgedagane først og sist i dei jødiske høgtidene pesaḥ og sukkót.
Den tradisjonelle helsinga under ḥol hammongéd er «Buenos medianos!» blant portugisarjødar og osmanske sefardím.
Under ḥol hammongéd gjeld dei generelle forskriftene for kvar høgtid. Dermed et ein ikkje ḥaméṣ (gjæra brød o.l.) under ḥol hammongéd pesaḥ, og ein et i sukkáen og gjer netilàt luláb under sukkót.
Ḥol hammongéd skil seg ut frå helgedagane først og sist i desse høgtidene ved at det er lov å gjera nødvendig arbeid og å drive med handel om ein treng det så lenge det ikkje er sjabbát.
